قزم في سروال
كتبهاrabai23 saadaoui ، في 22 مارس 2007 الساعة: 15:00 م
قزم في ســروال
في قداش احنــا؟والله فوق مليــار
كي جــراد المــراد..قولوا كي النمال
خمسـة في عينيــن حسَادنا الاكبار..
خمسـة في العينين على نسانا ورجــال
مسلمين وعـرب لا من دار الـدار..
لا من يمــلا العين قزم في ســروال
هذي سنــوات نتجــرع الامـرار
هذي سنوات غـير نعيـش اهـــوال
سياسة اليهــود ما طفيـش النــار
عمرهم لا يرضـاو ولو نكـون أبـغال
ضـاعت فلسطيـن قبـل طلوع نهـار
والعراق احتــل من أيـام اطـــوال
علاش نظال نهـوم؟ قولوا يا حضــار
واش قدمنا تراش ؟وين راحوا الابطــال؟
ـــــــــــــــــــــــــــــــــــــــــــــــــــــــــ
التصنيفات : غير مصنف | أرسل الإدراج | دوّن الإدراج
